吃貨朋友唔開心，作為都係吃貨既我緊係即刻約佢食飯啦，搵間近近地既餐廳試試佢
燒肉like吃貨都應該聽過，但同壽司郎有得輝，長期都好多人，見到又食唔到
而呢間個模式都有d似，眼見都係細細個燒爐。店舖細細，我地入座之後就愈黎愈多人仲要等位了。
套餐都幾抵食，最平幾十蚊已經埋到單，仲要全日都免加一🥰
每款套餐有兩款唔同既部位既牛，岩曬我呢d唔中意獨孤一味既人！仲有得簡要100g/200g,唔夠仲有得追加。
套餐除左肉之外，仲有唔少得既飯，湯同埋餐前小食。
飯有肉鬆同紫菜，同平時唔同既係多數得紫菜/係貓飯。幾特別，有d似食緊壽司既感覺🤣
湯唔咸幾好，餐前小食係茄子🍆，好食😋
燒肉汁方面都係日本醬汁，有原味，柚子同鹽味！
我還是最愛原味，但柚子味其實都好香，只是我不好柚子，鹽味反正幾特別，平日多數都係比鹽，而佢係醬計比鹽更加濃郁既鹽味。
🐮安格斯牛板腱+牛舌芯 200g
✨最愛同牛打茄輪，燒肉必叫牛舌👅🫣
牛味既香，燒一燒好快就食得
✨安格斯牛板腱我幾中意，牛味唔係勁重，但口感唔似平時既牛，食落去有鮮嫩既口感之如仲食到有彈性，好唔錯👍🏻
🐮牛頸脊+封門柳 200g
✨牛頸脊係我今餐最中意食既部位，食落去同牛板腱一樣都係爽口軟滑，有咬口，牛味會比牛板腱更香
✨封門柳
牛味濃郁，中意食牛味重既可以簡呢一個，而且口感好腍，同其他三款口感唔一樣
🐟吞拿魚刺身（4切）
好特別，平日去放題燒肉有刺身就見得多，呢d一人前都有刺身食好神奇，加埋一齊食好滿足，食落都算新鮮
蜜瓜/提子梳打
加錢叫左梳打，好中意飲呢個牌子既梳打，又有我中意既味，平時唔飲有氣野今日心情唔好要出出氣😮💨
今次我地兩個餐都叫左200g,其實200g係食到好飽，細食人士我諗100g都夠食。
但100g真係好平，出面好普通一個飯既價錢已經食到，價錢平又有咁既質素好唔錯👍🏻
呢到賣點除左平同質素ok，我覺得好特別既係竟然燒肉店食素既人都可以入黎食啦，好體貼呀有素食，素肉素刺身我未食過呀，只有印象之前尖沙咀見過素刺身但價錢都唔平，然後而家已經執左😂
#燒肉 #元朗美食 #素肉 #一人燒肉 #素刺身 #平民價燒肉
(此文章由U Blog 同步發佈至社群)
